再會了，火柴人

十年共事, 願以有盡的數百字來概括地對你表示感謝及祝福

三個身份

• 你係我上司,但從不會「扮大野」
• 你係我弟兄,有不少屬靈的教導,神都使用你向我作上提醒
• 你係我朋友,正如你所講,我們都係真誠相待

三個感謝

• 感謝你對我在工作那份超級包容
• 感謝你給我寶貴的意見, 無論在工作及學業上
• 感謝你曾為我的家代禱,在那段軟弱的時候得着支持

不住感恩
經常在大眾(早會)及小眾前(部門祈禱會), 都會不時聽到你對du同工的欣賞,並且不住為此感恩, 感謝上帝給你有咁好的同工支援你,反過來說, 我同樣為着在自己的事奉部門裡,有一位常常支援(支持)自己的上司, 除了感恩, 真係唔知講乜好.

盡心盡力
在機構發展上瞓身支持, 一人做三份野, 但糧就出一份, 從不斤斤計較,忍辱負重, 認真唔係人咁品, 唔洗HR講都知係好同工啦!!!

火熱而溫暖
人有火 ,但唔猛, 唔會燒傷身邊人, 只係不斷燃亮其他生命, 十足十個條片--「夢(點樣)改變世界」裡面個位火柴人.

柴不只是火柴
更加唔係廢柴, 係「三柴」,一位擁有MASTER學歷的「三柴」,盼望Ah Sir繼續為地球裡面香港油尖旺嘅治安而努力, 祝Ah Sir在不久的將來柴上開花,仲要開到「三粒」個隻,恭喜恭喜.

人所共知
係(正常)人都知, 你有幾愛提拔年輕人啦, 在DU時我都有幸成為年輕人的導師, 都係得你關照, 而你離開突破了後的工作崗位,都係好鬼多年輕人的IVE, 足見上帝都係賜福同使用你,去服侍年輕人啦.

夢(點樣)改變世界（１）

「阿公」35大壽，全民和應，
在聖山攪左個低調而「熱烈」的慶祝會，
奈何小弟告左病假，
不能親身感覺這和諧氣氛。

當然在這和諧嘅氣氛下，
一些叫人傷感及不快的事，
是不會發佈啦（例如你要走的事），
免得影響大家食自助餐的心情和食量．
雖然不能身處其中，但都收到風好似有一條短片會在慶祝會播放，
內容好似係訪問「阿公」的「仔女」們，
問下有什麼夢想，點至可以配合「夢(點樣)改變世界」云云，
幫手製作的「仔女」話好難做，問十個有八個都話無夢想，非常惡攪．．．．．．

聽到這分享時，不禁撫心自問，我自己仲有無夢想？
夢想是現在未發生，講出黎會俾人笑你xx，
因為被認為無可能，不設實際，
但如果達成到就會受萬人景仰，
成為學習目標（都唔定）的事。

『星爺話：「人無夢（理）想，同條咸魚有乜不別？」』
咁有邊個鐘意做咸魚呢？
而到底我係唔係已經係一條咸魚呢．．．．．．
．．．．．．我諗仲未係，起碼我心裡仲有火．．．．．．

辛苦你了

在過去的一個星期，每當見到你眼紅紅，
我就知道你又再面對某某，發表你的離開宣言，
當我看在眼裡，心裡總是不忍，好希望你能早點脫離這種狀態．．．．．．
這幾天，我發覺你好似仲殘過以前，好似離開的決定並沒有為你帶來解脫．
好佩服你的堅忍，無論多大的困難，你都堅強面對．
你對機構的態度，永遠都只有正面，不把負面情感暴露人前，
對你這份偉大情操，只有百份百的敬意．
然而微小的我，若有一天易地而處，
我可能只想起一首歌：怎麼天生不是女人？

你要走了

知道你要走了，對大家可說是晴天霹靂，是一件難以接受的事．
沒有先兆，沒有預告..............
在場有部份人知道了，激動得即時哭了，而你也落淚，
這是我第一次見你，最長的一次落淚..........................

年尾收爐前最後一單Job

「大佬」一直好希望可以在農曆假期前做到今期封面訪問，
我都好讚同，起碼做左可以安心過年，
無需要擔心過年期間，約唔到人做訪問，
(不過話時話，近半年都係咁鬼難搵合適的人選做訪問)
多謝上帝關照，今次真係求人得人，
年廿九約到方大同做訪問，
今次訪問除了要多謝萬經理，
（雖然佢不會上黎睇，亦唔期望佢會睇）
多得佢幫手至有一個咁好嘅場地，
在此向佢位於沙田區向西的辦公室方向敬禮，
仲要多謝細S突然空降幫手做攝影亞四，
真係功不可沒，無妳幫手點成事呢？