夢(點樣)改變世界（１）

「阿公」35大壽，全民和應，
在聖山攪左個低調而「熱烈」的慶祝會，
奈何小弟告左病假，
不能親身感覺這和諧氣氛。

當然在這和諧嘅氣氛下，
一些叫人傷感及不快的事，
是不會發佈啦（例如你要走的事），
免得影響大家食自助餐的心情和食量．
雖然不能身處其中，但都收到風好似有一條短片會在慶祝會播放，
內容好似係訪問「阿公」的「仔女」們，
問下有什麼夢想，點至可以配合「夢(點樣)改變世界」云云，
幫手製作的「仔女」話好難做，問十個有八個都話無夢想，非常惡攪．．．．．．

聽到這分享時，不禁撫心自問，我自己仲有無夢想？
夢想是現在未發生，講出黎會俾人笑你xx，
因為被認為無可能，不設實際，
但如果達成到就會受萬人景仰，
成為學習目標（都唔定）的事。

『星爺話：「人無夢（理）想，同條咸魚有乜不別？」』
咁有邊個鐘意做咸魚呢？
而到底我係唔係已經係一條咸魚呢．．．．．．
．．．．．．我諗仲未係，起碼我心裡仲有火．．．．．．

辛苦你了

在過去的一個星期，每當見到你眼紅紅，
我就知道你又再面對某某，發表你的離開宣言，
當我看在眼裡，心裡總是不忍，好希望你能早點脫離這種狀態．．．．．．
這幾天，我發覺你好似仲殘過以前，好似離開的決定並沒有為你帶來解脫．
好佩服你的堅忍，無論多大的困難，你都堅強面對．
你對機構的態度，永遠都只有正面，不把負面情感暴露人前，
對你這份偉大情操，只有百份百的敬意．
然而微小的我，若有一天易地而處，
我可能只想起一首歌：怎麼天生不是女人？

你要走了

知道你要走了，對大家可說是晴天霹靂，是一件難以接受的事．
沒有先兆，沒有預告..............
在場有部份人知道了，激動得即時哭了，而你也落淚，
這是我第一次見你，最長的一次落淚..........................

年尾收爐前最後一單Job

「大佬」一直好希望可以在農曆假期前做到今期封面訪問，
我都好讚同，起碼做左可以安心過年，
無需要擔心過年期間，約唔到人做訪問，
(不過話時話，近半年都係咁鬼難搵合適的人選做訪問)
多謝上帝關照，今次真係求人得人，
年廿九約到方大同做訪問，
今次訪問除了要多謝萬經理，
（雖然佢不會上黎睇，亦唔期望佢會睇）
多得佢幫手至有一個咁好嘅場地，
在此向佢位於沙田區向西的辦公室方向敬禮，
仲要多謝細S突然空降幫手做攝影亞四，
真係功不可沒，無妳幫手點成事呢？

停一停，抖一抖.....年初五繼續

昨晚上完農曆新年假期前的最後一堂，
就開始放我的「快樂」假期，
不經不覺，現在已經過左２nd sem的3/14，
自己都唔知點過連續14個星期，
返3晚3小時的課程，
有時遇著要同同學仔傾下presentation，
分分鐘變成返4晚，
最激試過連續兩星期返5晚，
現在諗起都覺得幾辛苦。

不過諗返過去1st sem的最後一堂，
大家都好似已經完成整個課程，

又攪party，又影相，不知幾開心。
（又或者叫做苦中作樂啦，如果唔係咁往後的日子都好難過）

現在又瘋癲的日子又開始啦，

要做的功課量多左，難度又增加左，

而我在公司的工作量，在未來的日子已預計有顯著的增長。

真係唔係人咁品，在1st sem不久已發癱的我，
到了現在仲未發癱，仲未爆人，都應該感謝上帝，阿門。